B.EB. - 1.°ano

EDCU101 nu’udar unidade ida ne’ebé fó oportunidade ba estudante sira atu aprende programa sira iha komputador. Durante semester ida nee sira aprende liu kona-ba programa Microsoft Word no Microsoft Power point nune’e mós hetan koñesimentu uitoan kona-ba microsoft excel 2016. Programa hirak ne’ebé sira aprende ne’e bele ajuda sira hodi eleva sira nia abilidade dijitasaun dokumentu iha komputador, iha ne’ebé sira bele dijita sira nia monografia sira husi unidade seluk oferese ba sira durante sira nia estudu Baixarelatu. Parte ida mós sira aprende maneira asesu referénsia akadémiku sira iha google akademiku, nunee sira bele uza hodi elabora iha sira nia hakerek akademiku sira iha sira nia estudu. Alende nee mós sira aprende maneira kria email no asesu email hodi bele manda dokumentu sira ba maluk sira no ba dosente sira.
Atu atinje rezultadu aprendizajen tuir mai nee, dosente sira sei fó teoria ui-toan no estudante sira mak sei hetan tempu barak hodi prátika dijitasaun durante aula kada grupu. Nune’e mós aplika tarefa sira hodi sukat sira nia abilidade, koñesimentu no progresu aprendizajen komputador nia ba semester ida tomak.